Mai ita hatene oinsá nasaun 8, inklui Timor-Leste, selebra Loron Valentine iha 14 Fevereiru.

---

1. Timor-Leste 🇹🇱
Iha Timor-Leste, ema troka prezente ho doben no lori malu ba han iha tasi ibun. Sira mós tur hamutuk no koalia ho domin.

---

2. Japão 🇯🇵
Iha Japão, Loron Valentinu mak feto ne’ebé fó xokolati ba mane.
14 Fevereiru: Feto fó xokolati ba mane. Iha tipu rua:
“Giri-choco” (ba kolega ka amizade)
“Honmei-choco” (ba namoradu ka ema espesial)
14 Marsu (White Day): Mane fó resposta ho xokolati mutin ka presente seluk ba feto ne’ebé fó tiha xokolati iha Fevereiru.

---

3. Korea Selatan 🇰🇷
Tradisaun hanesan Japão, maibé iha tan loron espesial ida:
14 de abril – Black Day
Loron ida ne’e ba ema ne’ebé la hetan presente iha Fevereiru no Marsu. Sira han jajangmyeon (Seddapp metan) hanesan sinal katak sira seidauk iha namoradu ka namorada.

---

4. França 🇫🇷
França konsidera hanesan nasaun ne’ebé romântiku liu.
Iha tempu uluk, iha festividade ida ho naran “Loterie d’amour”, ne’ebé feto no mane troka par atu fó presente. Agora daudaun, ema selebra Loron Valentinu ho jantar romântiku, surpresa no troka karta Segredu/Hadomi.

---

5. Brasil 🇧🇷
Iha Brasil, ema la selebra Loron Valentinu iha Fevereiru tanba iha tempu ne’e nasaun fokus ba Karnaval.
Brasil iha loron espesial ida ho naran “Dia dos Namorados” (Loron Namoradu/a) iha 12 Juñu.
Ema troka presente, Aifunan no xokolati, no selebra hamutuk ho familia ka doben sira.

---

6. Filipina 🇵🇭
Iha Filipina, Loron Valentinu mak tempu ne’ebé ema hili atu kaben / kajamentu.
Iha kada tinan, governu organiza kajamentu grupu (mass wedding). Ema mós halo festa no troka presente.

---

7. Dinamarca 🇩🇰
Iha Dinamarca, iha tradisaun espesial ida:
Mane fó “Gaekkebrev”, surat ne’ebé iha rima ka piada.
Feto tenke adivinha se mak haruka surat ne’e. Se nia adivinha loos, nia sei hetan presente iha Loron Páskua.

---

8. Ghana 🇬🇭
Ghana konhesidu hanesan “Kapital Xokolati ” tanba produsaun kakau barak.
Loron Valentinu iha Ghana mós hanesan Loron Xokolati Nasional.

Lee liu tan

Loron Valentinu La’ós Deit ba Namoradu/a, Maibé mós ba Familia Hotu

 

Istória kona-ba Santo Valentinu

Loron Valentinu, ka Dia dos Namorados, iha orijen ne’ebé interesante. Istória ne’e hahú iha tempu Roma Antiga.

Sé mak São Valentinu?

Iha istória barak kona-ba São Valentinu, maibé ida ne’ebé famozu liu mak kona-ba padre ida ho naran Valentinu, ne’ebé moris iha tempu emperador Claudius II, iha sékulu III.

Iha tempu ne’ebá, emperador halo proibisaun ba matrimóniu ba mane foin-sae sira, tanba nia hanoin katak mane ne’ebé la kaben sei sai soldadu ne’ebé forte liu.

Maibé Padre Valentinu la konkorda ho lei ne’e. Nia kontinua fó sakramentu kaben ba feto no mane foin-sae iha forma sekreta. Bainhira emperador hatene kona-ba ne’e, nia manda prende no ikus mai hamate Santo Valentinu iha loron 14 Fevereiru, tinan 269 (tuir istória popular).

Istória kona-ba surat hadomi

Iha istória seluk ne’ebé dehan katak bainhira nia iha prizaun, Valentinu sai besik ho oan feto ida husi guarda-prizaun (jailer). Antes nia mate, nia haruka surat ida ba feto ne’e ho liafuan:

“Husi ita nia Valentinu”

Liafuan ne’e sai fraze famozu ne’ebé uza to’o ohin loron.

Loron Valentinu iha tempu ohin

Iha sékulu XIV, poeta inglês Geoffrey Chaucer liga loron 14 Fevereiru ho amor romântiku, no husi ne’ebá tradisaun Loron Valentinu sai popular iha Europa.

Ho tempu nia lao, loron ne’e sai momentu espesial atu troka kadu, ai-funan, xokolati no karta hadomi ba ema ne’ebé ita hadomi.

Agora daudaun, Loron Valentinu la’ós deit ba namoradu no namorada, maibé mós ba família, belun, no ema hotu ne’ebé ita hadomi.

Lee liu tan